Imom Termiziy xalqaro ilmiy-tadqiqot markazi va IRCICA o‘rtasida hamkorlik memorandumi imzolandi
💬“I Xalqaro islom sivilizatsiyasi forumi: tinchlik, bag‘rikenglik va ilm-ma’rifat yo‘li” doirasida o‘tkazilayotgan “Termiz hadis maktabi: allomalar merosi va zamonaviy tadqiqotlar” mavzusidagi IV xalqaro ilmiy konferensiya davomida Imom Termiziy xalqaro ilmiy-tadqiqot markazi hamda Islom tarixi, san’ati va madaniyatini tadqiq qilish markazi (IRCICA) o‘rtasida o‘zaro memorandumi imzolandi.
✍️Memorandum Imom Termiziy xalqaro ilmiy-tadqiqot markazi direktori Muzaffarxon Joniyev hamda Islom tarixi, san’ati va madaniyatini tadqiq qilish markazi (IRCICA) Bosh direktori Mahmud Erol Kilich tomonidan imzolandi.
💬Mazkur memorandum ikki ilmiy muassasa o‘rtasida qo‘lyozma manbalarni birgalikda o‘rganish, ilmiy-tadqiqot loyihalarini amalga oshirish, ilmiy axborot va nashrlar almashish, kutubxona fondlarini boyitish, shuningdek, qo‘shma konferensiyalar, seminarlar va simpoziumlar tashkil etish kabi yo‘nalishlarda hamkorlikni yanada kengaytirishni nazarda tutadi.
💬Tomonlar mazkur memorandum ilmiy aloqalarni mustahkamlash, islom sivilizatsiyasi va Termiz allomalari merosini xalqaro miqyosda tadqiq etish hamda targ‘ib qilish borasidagi hamkorlikni yangi bosqichga olib chiqishiga ishonch bildirdilar.
