#XALQARO_ILMIY_KONFERENSIYA
Konferensiya ishtirokchilari Imom Termiziy majmuasini ziyorat qildilar
🤔“I Xalqaro islom sivilizatsiyasi forumi: tinchlik, bag‘rikenglik va ilm-ma’rifat yo‘li” doirasida Imom Termiziy xalqaro ilmiy-tadqiqot markazida o‘tkazilayotgan “Termiz hadis maktabi: allomalar merosi va zamonaviy tadqiqotlar” mavzusidagi IV xalqaro ilmiy konferensiya ishtirokchilari Imom Termiziy majmuasini ziyorat qildilar.
🕌Ziyorat davomida Imom Termiziy merosining islom sivilizatsiyasi rivojidagi beqiyos o‘rni, hadis ilmi taraqqiyotiga qo‘shgan ulkan hissasi hamda alloma asarlarining bugungi kunda ham ilmiy ahamiyatini saqlab qolayotgani alohida ta’kidlandi.
🫥Konferensiya ishtirokchilari Yangi O‘zbekistonda Prezidentimiz Shavkat Mirziyoyev rahbarligida tarixiy-ma’naviy merosni asrash, buyuk ajdodlarimiz xotirasini abadiylashtirish, muqaddas qadamjolarni obod etish hamda ularning ilmiy merosini xalqaro miqyosda keng targ‘ib etish borasida amalga oshirilayotgan keng ko‘lamli islohotlarni yuksak baholadilar.
🧊Ziyorat konferensiya ishtirokchilarida katta taassurot qoldirib, buyuk ajdodlarimizning bebaho ilmiy-ma’naviy merosini asrash va targ‘ib etish yo‘lidagi hamkorlikni yanada mustahkamlashga xizmat qiluvchi muhim tadbirlardan biri bo‘ldi.
✍️ Imom Termiziy XITM Matbuot xizmati
