#Seminar_2025
📅 2025 yil 10 sentyabr kuni Imom Termiziy xalqaro ilmiy-tadqiqot markazi tashabbusi bilan “Hakim Termiziyning sotsiologik qarashlari” mavzusida onlayn ilmiy seminar tashkil etildi.
🔰 Seminarda Turkiyadagi Bursa Uludag‘ universiteti professori, Dr. Solih Chift hamda Imom Termiziy xalqaro ilmiy-tadqiqot markazi katta ilmiy xodimi, Dr. Jo‘rabek Cho‘tmatovlar ma’ruza qildi.
📖 Tadbir davomida Hakim Termiziyning ilmiy merosi, uning inson tabiati, jamiyat va ma’naviyati haqidagi qarashlari hamda sotsiologiya fanini boyituvchi g‘oyalari keng yoritildi. Ma’ruzachilar Hakim Termiziyning asarlaridagi ijtimoiy fikrlar, inson ruhiyati va ma’naviy kamolot masalalariga qaratilgan mulohazalarining bugungi kundagi ahamiyati haqida to‘xtalib o‘tdilar.
📌 Seminar davomida ishtirokchilar tomonidan turli savollar berildi, o‘zaro fikr almashuv va bahs-munozaralar orqali mavzuga kengroq yondoshildi.
