#Taqdimot_2025
✅IMOM TERMIZIY XALQARO ILMIY-TADQIQOT MARKAZINING YANGI NASHR ETILGAN KITOBLARI TAQDIMOTI O‘TKAZILDI.
📚 Bugun Termiz davlat pedagogika institutida Imom Termiziy xalqaro ilmiy-tadqiqot markazi faoliyati hamda nashrlariga bag‘ishlangan taqdimot bo‘lib o‘tdi.
💠Tadbirda institut o‘qituvchilari, talabalar, shuningdek Markaz xodimlari ishtirok etdi. Unda Markaz tomonidan olib borilayotgan ilmiy-tadqiqot ishlari, chop etilgan kitob va risolalar hamda Termiziy allomalarning boy ilmiy-ma’naviy merosini yoshlar o‘rtasida keng targ‘ib etish borasida amalga oshirilayotgan chora-tadbirlar haqida batafsil ma’lumot berildi.
💠 Tadbir davomida so‘zga chiqqanlar mazkur taqdimotning yoshlar ma’naviy dunyoqarashini yuksaltirish, milliy va umuminsoniy qadriyatlarga hurmat tuyg‘usini kuchaytirish yo‘lida muhim ahamiyat kasb etishini ta’kidladilar.
💠Shuningdek, tadbir yakunida Termiziy allomalarning asarlari asosida tayyorlangan savol-javoblarda faol ishtirok etgan talabalar Markaz nashrlari bilan taqdirlandi.
💠 Tadbir ishtirokchilari uchun bu uchrashuv nafaqat ma’naviy bilimlarni boyitishga xizmat qildi, balki buyuk ajdodlarimiz merosiga bo‘lgan qiziqish va ehtiromni yanada mustahkamladi.
✍️Imom Termiziy XITM Matbuot xizmati
