✅Bugun O‘zbekiston xalqaro islomshunoslik akademiyasida “Globallashuv jarayonida islomni tushunish muammolari” mavzusida xalqaro ilmiy-amaliy konferensiya bo‘lib o‘tdi.
✅Konferensiya doirasida dunyoda kechayotgan global jarayonlar fonida islom dinini to‘g‘ri talqin etish, konfessiyalararo muloqotni mustahkamlash va yoshlarda ekstremizmga qarshi immunitetni shakllantirish masalalari yuzasidan fikr almashildi.
✅Anjuman “Islomshunoslik va islom sivilizatsiyasini o‘rganish ICESCO” kafedrasi tashabbusi bilan onlayn va oflayn tarzda o‘tkazildi.
✅Tadbirda Imom Termiziy xalqaro ilmiy-tadqiqot markazi direktori Muzaffarxon Joniyev “Globallashuv jarayonida radikallashuv va uni bartaraf etish nazariyalari” mavzusida ma’ruza bilan qatnashdi. U o‘z chiqishida radikal g‘oyalarning kelib chiqish sabablari, ularga qarshi kurashishning ilmiy va ma’rifiy asoslari haqida atroflicha ma’lumot berdi.
