#ХАЛҚАРО_ИЛМИЙ_КОНФЕРЕНЦИЯ
I ХАЛҚАРО ИСЛОМ СИВИЛИЗАТСИЯСИ ФОРУМИ ДОИРАСИДА ЎТКАЗИЛАЁТГАН IV ХАЛҚАРО ИЛМИЙ-АМАЛИЙ КОНФЕРЕНЦИЯ ИШТИРОКЧИЛАРИ ЭҲТИРОМ ИЛА КУТИБ ОЛИНАДИ!
💬Бугун I Халқаро ислом сивилизатсияси форуми доирасида Имом Термизий халқаро илмий-тадқиқот марказида ўтказилаётган “Термиз ҳадис мактаби: алломалар мероси ва замонавий тадқиқотлар” мавзусидаги IV халқаро илмий-амалий конференцияда иштирок этиш учун ташриф буюрган хорижлик нуфузли олимлар Термиз халқаро аэропортида тантанали равишда кутиб олинди. Меҳмонларни мутасаддилар самимий қарши олиб, уларни юртимизга ташрифи билан қутладилар.
💬Шунингдек, бугунги халқаро илмий-амалий конференциянинг илм-фан ва маънавий ҳаётдаги ўрни, дунёнинг турли мамлакатларидан келган таниқли уламолар ҳамда илм аҳли бир масканда жам бўлиши ўзаро илмий ҳамкорликни мустаҳкамлаши, тажриба алмашиш ва эзгу ғояларни кенг тарғиб этишга хизмат қилиши алоҳида таъкидланди.
💬Мазкур нуфузли анжуманда дунёнинг 10 дан ортиқ давлати, жумладан, Иордания, Буюк Британия, Ҳиндистон, Жазоир, Италия, Миср, Туркия ҳамда Марказий Осиё мамлакатларидан 25 га яқин ислом оламининг таниқли уламолари, мусулмон мамлакатлари муфтийлари, давлат ва жамоат арбоблари иштирок этмоқда.
✍️ Имом Термизий ХИТМ Матбуот хизмати
