#Жаҳолатга_қарши_маърифат
🔰 Бугун Термиз шаҳридаги Санъат саройида Термиз давлат университети талабалари учун “Жаҳолатга қарши – маърифат билан кураш!” ҳамда “Инсон қадри ва ҳуқуқларининг устуворлиги – тараққиёт пойдевори” мавзуларида маънавий-маърифий учрашув ташкил этилди.
⏺️ Тадбирда Имом Термизий халқаро илмий-тадқиқот маркази директори М.Жонийев, Дин ишлари бўйича қўмитанинг Сурхондарё вилояти ҳудудий бошқармаси масъуллари ва ҳамкор ташкилотлар вакиллари иштирок этишди.
⏺️ Учрашув давомида талабалар диний бағрикенглик, маърифатнинг аҳамияти, инсон ҳуқуқ ва қадр-қиммати, шунингдек миллий ва умуминсоний қадриятларнинг устуворлиги борасида атрофлича маълумотларга эга бўлдилар.
⏺️ Тадбир якунида ёшлар бундай маънавий-маърифий учрашувларнинг улар ҳаётида муҳим аҳамият касб этишини таъкидлаб ўтдилар.
