“Расулуллоҳ соллаллоҳу алайҳи васаллам: “Ўйинларда ва ботил ишлар вақтида ҳозир бўлишдан қайтардилар”.
Аллоҳ таоло бандаларни беҳуда ишлар учун яратмаган ва беҳуда, бефойда ишлар учун ўз ҳолига қўйиб қўймаган. Балки, Аллоҳ таоло бандаларини Ўзига ибодат қилиш учун яратгандир. Агар банда бекорчи ишлар билан шуғулланса, ўзига ҳам, бировга ҳам фойдаси йўқ ишлар билан машғул бўлса, эртага у банда ҳасрату надоматда бўлади, ўтказиб қўйган умри учун ачинади. Агар банда дунё ва охират ишларини Аллоҳ учун деб қилса, бу унинг фойдасига бўлади, зарарига бўлмайди. Ҳамда бундай ишнинг савоби доимийдир.
Энди бошқа бир одам келиб бу ўйинда ва ботил ишда шерик бўлса, бу ҳолда бу ишни биров кўрмаса ҳам уни риё билан қилган бўлади.
✍️Ҳаким Термизийнинг “Қайтарилган амаллар” (“Ал-Манҳийёт”) асаридан
