#Жаҳолатга_қарши_маърифат
Бугун Термиз давлат муҳандислик ва агротехнологиялар университетида “Жаҳолатга қарши – маърифат билан кураш!” ҳамда “Инсон қадри ва ҳуқуқларининг устуворлиги – тараққиёт пойдевори” мавзуларида маънавий-маърифий тадбир ташкил этилди.
Унда Имом Термизий халқаро илмий-тадқиқот маркази директори Музаффархон Жонийев, вилоят ИИБ ТҚКБ масъул ходими Илёс Суюнов, шунингдек, университет профессор-ўқитувчилари ва талабалар иштирок этдилар.
🎙 Тадбир давомида ёшлар онгида ватанпарварлик, бағрикенглик, адолат каби миллий ва умуминсоний қадриятларни мустаҳкамлаш, жаҳолат ва ёт ғояларга қарши илм-маърифат билан курашиш, инсон ҳуқуқ ва эркинликларини эъзозлашнинг жамият тараққиётидаги ўрни ҳақида атрофлича сўз юритилди.
🌟 Мазкур учрашув талабаларнинг дунёқараши ва маънавий иммунитетини мустаҳкамлашда муҳим қадам бўлди.
